ادویات کے خام مال کی درآمدات پر پابندیاں ختم: اسٹیٹ بینک آف پاکستان کا اعلامیہ
by Saeed Iqbal
SHARES
اسٹیٹ بینک آف پاکستان کی جانب سے جاری ہونے والے اعلامیے میں ادویات سمیت کئی چیزوں کے خام مال کی درآمدات پر پابندیاں ختم کرنے کا اعلان کیا گیا ہے۔
According to the circular, it has now been decided to withdraw the above instructions with effect from January 2, 2023.
Details: https://t.co/JFG29WDuu5#Pakistan #economy #SBP #import
— Capital Stake (@CapitalStake) December 28, 2022
اس ضمن میں پہلی پابندی یہ ہٹائی گئی ہے کہ بیرون ملک سے حاصل ہونے والی درآمدات کی قیمت ادا کرنے کے لیے بینکوں کو اب اسٹیٹ بینک آف پاکستان سے اجازت حاصل کرنے کی ضرورت نہیں رہے گی۔ مثال کے طور پر ایسی ادویات جو جان بچانے کے لیے استعمال ہوتی ہیں، ان کے خام مال کی خریداری کے لیے بیرون ملک قیمت ادا کرنے کے لیے بینکوں کے لیے اجازت حاصل کرنا ضروری نہیں ہے۔ اس کے علاوہ سرجیکل آلات کے لیے بھی اسٹیٹ بینک کی جانب سے سہولت مہیا کی گئی ہے۔
اسٹیٹ بینک کی جانب سے یہ اجازت اس لیے دی گئی ہے کیوں کہ ادویات سمیت مختلف مصنوعات کے خام مال کی قیمت ادا کرنے کے لیے بینکوں کو پہلے اسٹیٹ بینک سے اجازت درکار ہوتی تھی، جس کی وجہ سے کافی زیادہ وقت ضائع ہو جاتا تھا، اور ادویات کا خام مال بروقت نہ پہنچنے کی وجہ سے ملک میں ادویات اور سرجیکل آلات کی قلت واقع ہو جاتی تھی۔
ادویات کے خام مال کے علاوہ بہت ساری دوسری مصنوعات کے خام مال کو درآمد کرنے پر عائد پابندیوں کو بھی نرم کیا گیا ہے۔ تیل، گیس، اور کوئلے کی برآمدات سمیت فصلوں کی ادویات کا خام مال درآمد کرنے پر عائد پابندیوں کو ختم کیا گیا ہے تا کہ ملک میں ان چیزوں کی قلت واقع نہ ہو۔ سیلاب اور دوسری قدرتی آفات کی وجہ سے اس برس پاکستان کو فصلوں کی ادویات کی زیادہ ضرورت ہو گی، اس لیے اسٹیٹ بینک کی جانب سے درآمدات کے عمل پر عائد پابندیوں کو نرم کرنے کا اعلان کیا گیا ہے۔
