Log out
Signed in as
ملازمین کی جھوٹی بیماری کا بہانہ پکڑنا اب آسان: آرٹیفیشل انٹیلیجینس مدد کریگی
by Saeed Iqbal
SHARES
ملازمین سچ میں بیمار ہیں یا وہ چھٹی لینے کے لیے بیماری کا بہانہ کر رہے ہیں؟ اب اس بات کا آسانی کے ساتھ پتہ چلایا جا سکے گا۔ آرٹیفیشل انٹیلیجینس کی مدد سے ملازمین میں بیماری کا پتہ چلایا جائے گا۔ ایک نئی طبی تحقیق میں یہ بات سامنے آئی ہے کہ ملازمین کی آواز کی مدد سے اس بات کا تعین کیا جائے گا کہ وہ بیمار ہیں یا نہیں۔
https://t.co/Zv43w75Ue0
Now you won't be able to fake sickness! #AI #ArtificialIntelligence
— Rehman Siddiqui (@RehmanSiddiqui) April 14, 2023
جب ملازم اپنی کمپنی سے بیماری کی وجہ سے چھٹی کی درخواست کرے گا تو کمپنی ملازم کی آواز کو آرٹیفیشل انٹیلیجینس میں چلائے گی۔ جس سے آسانی کے ساتھ اس بات کا پتہ چل سکے گا کہ ملازم کی طبیعت ناساز تو نہیں۔ نئی طبی تحقیق کے مطابق اے آئی کی مدد سے مریض کی آواز سن سے اس بات کا فیصلہ کیا جائے گا کہ اسے زکام، بخار، یا دیگر طبی علامات لاحق ہیں یا نہیں۔
اگر کچھ سیکنڈز کی آواز سے اے آئی ملازم میں بیماری کا پتہ نہ چلا سکی تو پھر ملازم کو کسی بھی کتاب یا اخبار سے ایک پیراگراف پڑھ کے سنانے کا کہا جائے گا، جس سے مریض میں بیماری کی موجودگی کا پتہ چل جائے گا۔ ایور کیئر ہسپتال سے تعلق رکھنے والے سائیکالوجسٹ کہتے ہیں کہ اگر یہ اے آئی کامیاب ثابت ہوتی ہے تو جھوٹی بیماری کا بہانہ کر کے لی جانی والی چھٹیوں کو کم کیا جا سکے گا۔
ابتدائی طور پر ہونے والے اس تجربے میں حاصل ہونے والے نتائج ستر فیصد درست تھے۔ تاہم مستقبل قریب میں اس بات کی امید کی جا رہی ہے کہ اے آئی کی مدد سے حاصل ہونے والے نتائج سو فیصد ہوں گے۔
